Menu

Видео – Тегерандагы кол салуулар үчүн «Ислам мамлекети» жоопкерчилик алды

Бөлүшүү:

Тегерандагы теракттар үчүн «Ислам мамлекети» тобу жоопкерчилик алды. Кечээ аятолла Хомейнинин мавзолеянин алдындагы жана парламенттеги кол салуудан 12 киши өлүп (анын ичинде төртөөсү кылмышкерлер), 42 адам жаракат алган.

Ирандын ички иштер министринин орун басары Хосейн Зольфахаринин айтымында, парламентке көчө тараптан куралдуу төрт адам кирип барып, күзөтчүлөргө карата ок чыгарышкан. Жыйынтыгында күзөтчүлөрдүн бирөөсү каза болуп, экинчиси «жанкечти курун» тагынган террорчулардын бирин атып өлтүргөн. Калган үч кылмышкер имараттын жогорку кабаттарынан атайын кызмат өкүлдөрү тарабынан жок кылынган.

Хомейнинин күмбөзүндөгү кол салууда террорчулардын бири өзүн жардырып, бир нече киши жарадар болгон. Кол салгандардын дагы бирөөсүн коопсуздук органдары атып өлтүрүшсө, экөөсү колго түшүрүлгөн.

2015-жылы буга окшогон кош теракт Тунистин борборунда болгон. Аскер кийимчен белгисиз адамдар өлкө парламентинин жыйындар залына кирип барып Калашников автоматтары менен ок чыгарышкан. Кийин жакын жайгашкан Бордо музейине качып барып, 30га жакын адамды барымтага алышкан. Анда кол салуу үчүн ИМ тобу жоопкерчилик алган.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 89 + = 92

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: