Menu

Британ консерваторлору парламенттеги көпчүлүктөн ажырашты

Бөлүшүү:

8-июнда өткөн кезексиз парламенттик шайлоонун жыйынтыгында Улуу Британиянын Консервативдик партиясы Коомчулук палатасындагы көпчүлүк ордун жоготту.

Палатада көпчүлүк үчүн 326 орун керек. Добуштарды эсептөө аяктай элек, бирок азыр эле Тереза Мэйдин партиясы 318ден 322 орунга чейин алары түшүнүктүү болуп калды. Консерваторлордун башкы атаандашы эсептелген Лейбористтер партиясы 267 мандатка ээ болот. Бул өткөн шайлоонун жыйынтыгынан 35 орунга көп.

Бир нече жума мурда эле радикалдуу солчул көз караштарды карманган Жереми Корбин жетектеген башкы оппозициялык партиянын мындай жеңишин эч ким күткөн эмес. Корбин Мэйди отставкага кетүүгө чакырууга да жетишти. Премьер болсо анын партиясы алган салыштырмалуу көпчүлүк ага өкмөт башчы кызматта иштөөсүнө мүмкүндүк бере тургандыгын айтты.

Терезе Мэйге түндүк ирландиялык Демократиялык юнионисттик партиясы жардамга келиши мүмкүн: ал британ парламентинин төмөнкү палатасында Түндүк Ирландияга берилчү 18 орундун 10на ээ болууда. Юнионисттер консерваторлор менен сүйлөшүүлөргө даяр экендиктерин билдиришти. Мындай жол менен алар Мэйге бир аз да болсо көпчүлүктү камсыз кылууга шарт түзүп берет. Анткен менен Мэйдин ыктымал отставкасы тууралуу ушактар дагы деле айтылууда.

Шайлоо өнөктүгү маалында консерваторлор Брюссель менен сүйлөшүүлөрдө катуу позицияны кармануу керектигин белгилеп келишкен. Жереми Корбин башында турган лейбористтер ЕБ менен эркин соодалашуу аймагын сактап калууга аракет кыла тугандыктарын айтышкан. Либералдык демократтар болсо брекзит боюнча жаңы шайлоолорду өткөрүү керектигин айтса, Шотландия улуттук партиясы Шотландиянын көз карандысыздыгы тууралуу дагы бир жолу референдум өткөрүү зарылдыгын белгилеп келген.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

3 + 7 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: