Menu

Назарбаев: Индия менен Пакистандын ШКУга кошулуусу уюмга жаңы дем берет

Бөлүшүү:

Шанхай кызматташтык уюмуна мүчө мамлекеттердин башчыларынын саммитинин ачылышында сөз сүйлөгөн Казакстан президенти Нурсултан Назарбаев Астанадагы бул жолугушуу уюмдун жаңы тарых барагын ачарын билдирди.

Саммитте Индия менен Пакистандын ШКУга кошулуу жараяны аяктап, уюмдун толук кандуу мүчөсү деген макам ыйгарылат. Учурда альянска Казакстан, Кытай, Кыргызстан, Орусия, Тажикстан жана Өзбекстан мүчө.

Назарбаев ШКУга мүчө мамлекеттердин башчылары соңку ирет алты тараптуу форматта чогулуп жатканын айтты. Анын пикиринде, Индия менен Пакистанды толук кандуу мүчө катары кабыл алуу – уюмга жаңы дем берип, эл аралык мартабасын көтөрөт.

Казакстан президенти ШКУ 16 жыл ичинде көп кырдуу өз ара байланыштын жигердүү аянтчасы болгонун баса белгиледи.

Түштөн кийин кеңири курамдагы сүйлөшүүлөр болот. Жыйынтыгында Астана декларациясы, экстремизмге каршы күрөш боюнча конвенция, эл аралык террорчулукка каршы туруу боюнча ШКУга мүчө мамлекет башчылардын биргелешкен билдирүүсүн кошкондо жалпы 11 документ кабыл алынат.

ШКУ төрагалыгы Казакстандан Кытайга өтөт. Өзбекстан президенти Шавкат Мирзиёев ШКУ саммитине биринчи жолу катышып жатат. Иш-чарага Индия жана Пакистандын премьер-министрлери келишкен.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 89 − 83 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: