Тажикстан президенти Эмомали Рахмон президенттик аппараттын аткаруу бөлүмүн жетектеген улуу кызы Озода Рахмонго юстициянын мамлекеттик кеңешчиси чинин ыйгарды.
Бул даражасынын улуулугу жагынан прокуратура жана юстиция органдарындагы эң жогорку чин болуп эсептелет. Өлкө президентинин администрациясынын сайтында бул тууралуу эч кандай маалымат жок. «Азаттыктын» тажик кызматынын өз булактары кабарлашкандай, мамлекет башчы тиешелүү жарлыкка 25-майда кол койгон.
38 жаштагы юридика илимдеринин кандидаты Озода Рахмон өткөн жылы Тажикстандын президенттик аппаратынын аткаруу бөлүмүнүн жетекчиси кызматына дайындалган.
Толук ыйгарым укуктуу элчи дипломатиялык даражасына ээ Озода ага чейин Тажикстандын АКШдагы элчилигинде иштеген, 2009-жылы өлкөнүн тышкы иштер министринин биринчи орун басары кызматына дайындалган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ