Астанада EXPO-2017 эл аралык көргөзмөсүнө жасалма билеттер сатылган деген маалыматты иликтөө иштери башталды. Улуттук почта операторунун басма сөз катчысы Сауле Мукашева күмөндүү билеттер Шымкент шаарында табылганын билдирди.
— Бул чыныгы билеттер эмес, алардын көчүрмөсү. Алар Шымкент шаарында гана табылган,-деди ал.
«Астана ЭКСПО» компаниясы менен Астананын ички иштер департаменти териштирүү иштерин баштады. Жасалма билеттердин сатылышы боюнча алгачкы маалымат бир нече күн мурун чыккан. Мукашеванын айтымында, мындай билеттерге “Казпочтанын” штемпели басылган. Почта операторунун маалыматы боюнча, Шымкент акимчилиги жана шаардык билим берүү башкармалыгы сатып алган билеттердин арасында жасалмалары бар экени аныкталган.
«Казпочтанын» эсеби боюнча байланыш бөлүмдөрү аркылуу Түштүк-Казакстан облусуна 8 800 билет сатылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ