19-июнга караган түнү Дүйшөмбүдөн Астанага алгачкы жүргүнчү поезди келди. “Жүргүнчүлөрдү ташуу” компаниясынын маалыматы боюнча буга чейин эки шаардын ортосунда темир жол каттамы болгон эмес.
Дүйшөмбү-Астана багыты боюнча каттам ачуу Казакстан менен Тажикстандын темир жол операторлорунун ортосундагы макулдашууга ылайык ишке ашууда.
Казак операторунун билдирүүсүндө бул каттам EXPO-2017 эл аралык көргөзмөсүнүн жүрүшүндө туризмдин өнүгүшүн камсыздай турганы айтылат.
Эл аралык поезддин каттамы Каракалпакстан аркылуу Бейнеу-Жезказган темир жол линиясы менен өтөт. Тогуз вагондон турган поезд Дүйшөмбүдөн бейшемби күндөрү, Астанадан дүйшөмбү күндөрү жолго чыгат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ