Кыргызстан өзүнүн аскерлерин Сирияга жөнөтүүгө даярбы?

Россия Казакстан жана Кыргызстан менен Сирияга аскерлерди жөнөтүү боюнча маселени сүйлөшүүгө даярданууда.

Россиянын думасынын депутаты “Россиянын аскер полициясынын өкүлдөрүн Сирияда тартипти орнотуу боюнча иштерге катыштыруу маселеси каралып жатат.

Мындан тышкары Казакстанга жана Кыргызстанга болгон сунуштар, суроолор боюнча иш жүрүүдө. Кыргызстан өзүнүн аскерлерин Сирияга жөнөтүүгө даярбы деген суроо менен Кыргыз Республикасынын коргоо иштери боюнча мамлекеттик комитетинин маалымат кызматына кайрылдык.

“Кыргызстандын аскерлерин Сирияга жөнөтүү боюнча бизге расмий түрдө Россия тараптан билдирүү келген эмес. Биз тараптан сүйлөшүүлөр болгон жок. Бул маселе мамлекеттин деңгээлинде чечилет. Эгер биздин мамлекет тарабынан аскерлерди Сирияга жөнөтүү боюнча буйрук келсе, анда биз аткарууга милдеттүүбүз”, деп билдирди fakt.kg маалымат сайтына Коргоо иштери боюнча мамлекеттик комитетинин маалымат кызматы.

Булак: “fakt.kg”