Анжиянда айдоочулар май куюучу станцияларда бензин сатып алуу мүмкүн болбой жатканын билдиришүүдө. Алар узун кезекте сааттап турушууда. Жеке такси айдоочулар бензиндин литрин жергиликтүү алып сатарлардан 4,5 миң сумга (0,5 доллардан ашык) алышууда.
Анжиян облусунун май куюучу станцияларынын өкүлдөрү базада аларга чектелүү өлчөмдө күйүүчү май берилип жатканын маалымдашууда. Алардын бири жакын арада бензин таптакыр болбой турганын айтып, газга өтүүгө кеңеш берди.
– Биз газ менен жүрүүгө даярбыз. Бирок ал сатыкта жок да. Жакында жөө жүрөт окшойбуз, – деди анжияндык айдоочулардын бири.
Акыркы жылдары Өзбекстанда бензин тартыштыгы адаттагы көрүнүш болуп калды.
«Узнефтмахсулот» компаниясы бензиндин жетишсиздигин күйүүчү майга болгон суроо-талаптын өскөндүгү менен түшүндүрүүдө. Компаниянын маалыматы боюнча, Өзбекстанда автоунаалардын саны жылына жарым миллионго көбөйүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ