Тажикстанда бир катар мамлекеттик мекеме жана агенттиктер жоюлат. Бирок Азык-түлүк коопсуздугу боюнча мамлекеттик агенттик түзүлөт. Тажик өкмөтүнүн бир ай мурун кабыл алган бул чечими коомчулукка азыр гана белгилүү болду.
Жаңы мекеме ветеринардык, фитосанитардык көзөмөл жана үрөөн чарба сыяктуу агенттиктерди жабуу аркылуу түзүлөт.
Тажик өкмөтү бул чечим текшерүүлөрдү жана рейддерди азайтууга багытталганын түшүндүрдү.
Инвестиция жана мамлекеттик мүлктү башкаруу комитетинин маалыматы боюнча, 2016-жылы 37 көзөмөлдөөчү орган 300 миңдей текшерүүлөрдү өткөргөн.
Тажикстан бийлиги быйыл текшерүүлөр 30% кыскарарын белгилөөдө. Ошол эле маалда жергиликтүү ишкерлер пландан тышкаркы рейддер өсүп жатканын айтышууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ