Menu

Түркмөнстанда мугалимдер жайкы эмгек өргүүсүнө чыкпайт

Бөлүшүү:

Ашхабаддагы орто, адистештирилген жана жогорку окуу жайлардын мугалимдери быйыл жайында эс алышпайт. Маалыматка караганда, бул күзүндө Ашхабадда өтө турган Азия-2017 оюндарына байланыштуу.

“Бизге эмгек өргүүсүнө чыгуу тууралуу арыз жаздырышты, бирок жетекчилик күн сайын түшкө чейин жумушта болушубуз керектигин эскертти. Буйрукка ылайык, биз түштөн кийин дагы шаардан сыртка чыкпашыбыз керек. Бул кокус кызматкерлерди шашылыш түрдө чакыруу талап кылынып калса, тез арада чогулта коюу үчүн жасалууда”, – деп билдирди Ашхабаддагы мугалимдердин бири.

Анын айтымында, мугалимдер жумушун жоготуп алуудан коркуп, жетекчиликтин буйруктарын аткарууга мажбур болушууда. “Биздин балдарыбыз менен деңиз жээгинде эс алуу пландарыбызды таш капты. Бизди гана эмес, балдарыбыздын да үйдөн кетпеши керектигин айтып жатышат”, – деп билдирди ал.

Мурдараак Ашхабадда өтө турган Азия оюндарына байланыштуу жаңы окуу жылы июлда башталып, Азиада аяктагандан кийин октябрда улана тургандыгы кабарланган.

Быйыл билим берүү кызматкерлеринен тышкары башка мамлекеттик мекемелердин жумушчулары да эмгек өргүүсүнө чыга албай калгандыктары айтылууда.

Азия оюндарына даярдык көрүү иштеринин алкагында мамлекеттик мекеме кызматкерлери катышкан массалык иш-чаралардын башталгандыгын расмий маалымат каражаттары чагылдырган жок. Бирок жергиликтүү байкоочулардын айтымдарында, бул күндөрү Ашхабадда ыктыярчылар деп аталаган көптөгөн адамдар катышкан даярдык иш-чаралары өтүп жатканын көрүүгө болот.

Булак: “Борбор Азия жаңылыктар кызматы”

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 7 + 3 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: