Токмок шаардык Ички иштер бөлүмүнүн башчысы Максат Чойбеков Жайыл райондук милициясында башчы болуп турганда контрабанда менен келген товардан түшкөн акчаны оперлер менен бөлүшпөй жалгыз өзү лап этип койгонунан улам, коллективи «бунт» көтөрүп кууп чыгышкан эле. Акчасы көп неме экен да, кайра кызматтан кызматка секирип отуруп, азыр Токмокто. Кечээ жакында түштүктө мал уурдаган чоң мафиянын жүзү ачылып, бир топ мал түндүк аркылуу Токмоктун мал базарына келип турганы боюнча маалымат тарады. Ошондо Токмок милициясы уурдалган малдар тууралуу эмнеге ушул кезге чейин бир да кылмыштын бетин ачпай келишет? Токмоктун мал базарын Токмок милициясы көзөмөлдөп тураарын эл жакшы билет. Ошондо кандай болуп калат? Ууруларга көмөк көрсөткөндөр кимдер?
Булак: “Ачык саясат”
КОММЕНТАРИЙ КАЛТЫРУУ