Menu

Араб өлкөлөрү Катарга берилген мөөнөттү 48 саатка узартты

Бөлүшүү:

Сауд Арабиясы, Бириккен Араб эмириги, Египет жана Бахрейн өлкөлөрү Катардын коюлган шарттарды аткаруусу үчүн берилген мөөнөттү 48 саатка узартышты. Мындай чечим дүйшөмбүдө Доха менен төрт араб өлкөсүнүн ортосундагы жаңжалды чечүүдө ортомчулук кылып жаткан Кувейттин өтүнүчү менен кабыл алынды. Мурдагы мөөнөт боюнча Катар коюлган талаптар боюнча 3-июлда жооп бериши керек болчу.

Бул өлкөлөр Катарды терроризмди колдоого айыптап, Доха менен бардык дипломатиялык жана экономикалык мамилелерин токтотушкан. Коюлган талаптар аткарылбаса Араб өлкөлөрү Катарга жаңы санкциялар киргизилерин эскертишкен.

Алардын арасында “Аль-Жазира” телеканалын жабуу жана Иран менен дипломатиялык кызматташтыкты токтотуу шарттары бар. Андан сырткары алар Доха өз аймагындагы түрк аскер базасын жаап, Анкара менен бул багытта кызматташуусун токтотушу керектигин билдиришүүдө. Араб өлкөлөрүнүн ортосундагы бул жаңжалда Түркия Катарды колдоп чыккан. Каатчылык башталгандан бери ал өлкөдөгү түрк авиабазасына эки жолу кошумча күчтөр жана аскерий техника жеткирилди.

Катардын ТИМ башчысы араб өлкөлөрү талаптар аткарылбай тургандыгын билип атайын ушундай кадамга барганын билдирген. Доха өзүнө карата айтылып жаткан бардык айыптоолорду негизсиз деп эсептөөдө.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

+ 19 = 20

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: