Өзбекстандын президенти Шавкат Мирзиёев 23 жаштагы Алишер Садуллаевди элдик билим берүү министринин орун басары, 25 жаштагы Алимжан Туйчиевди байланыш жана маалыматтык технологиялар министринин орун басары кызматтарына дайындады.
Алишер Садуллаев 1994-жылы Жизак облусунун Жизак районунда туулган. Ташкенттеги Менеджментти өнүктүрүү боюнча эл аралык Сингапур институтун аяктаган. Министрдин орун басары болуп дайындалганга чейин ал “Result” окуу борборунун директору болуп иштеп келген.
Алимжан Туйчиев 1991-жылы Бекабад шаарында туулган. Турин политехникалык университетин бүтүргөн. Орус, англис, немис жана италия тилдеринде эркин сүйлөйт. Өлкө президентинин 2013-жылдын 4-декабрындагы жарлыгы менен ал «Даңк» медалы менен сыйланган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ