Сириянын президенти Башар Асаддын сүрөтү алгачкы жолу улуттук акчада пайда болду. Борбордук банктын төрагасы Дураид Дургхам 2000 фунттук (3,9 доллардын тегереги) банкнот бир жыл мурун эле басылып чыкканын, бирок аны жүгүртүүгө киргизүү согуштан улам кийинкиге калтырылганын айтты.
Буга чейин улуттук валютада тарыхый инсандардын жана мурдагы президент, Башардын атасы маркум Хафез Асаддын сүрөтү гана басылып келген.
Жарандык согуш алты жылдан бери токтобой келаткан Сирияда валютанын куну өтө төмөндөдү. Жаңы акча басылып чыкканга чейин өлкөдө эң чоң валюта 1000 фунт болчу.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ