Menu

Дүйнөдөгү адаттан тыш фонтандар

Бөлүшүү:

МЕТАМОРФОЗ ФОНТАНЫ

Метаморфоз фонтаны чех скульптору Давид Черныйга таандык. Фонтан түндүк Каролиндеги Шарлотт шаарында жайгашкан. Бийиктиги 7 метр бийиктиктеги жана 16 тонна салмактагы бирдей формадагы миң пластинадан куралган, баш формасындагы укмуштуудай керемет кубулуш болуп саналат. Көз жоосун алган метаморфоз фонтанын канча карап турсаң да көз жоосу канбаарын айтышат.

ИСПАНИЯДАГЫ КРАН ФОНТАНЫ

Магиялык касиети бар деп аталган бул фонтан Испаниянын Кадис шаарында жайгашкан. Абада калкып турган сымал бул фонтанды көргөн адам, жерге кайсы тарабынан бекитилгенин таба албай убара болоору анык. Бирок мунун жандырмагы жөнөкөй эле. Суу агып жаткан крандын оозу менен жерге ичке труба орнотулган. Бул кран ошол трубага бекитилген. Муну суунун ичинен көпчүлүк көрө албайт.

ЫРГА АЙЛАНГАН ФОНТАН

Барселонада жайгашкан бул фонтан жөнүндө канчалаган ырлар жазылган. Эң мыкты фонтандардын тизмесинин алдыңкы сабынан түшпөй келет. Ар бир классикалык музыканын сабына жараша бийлеген түзүлүштө абага атып чыккан бул фонтан, ар бир көргөн адамды кайдигер калтырган эмес.

АСАН-ҮСӨН ФОНТАНЫ

Сеулдагы Гиннестин китебине кирген дүйнөдөгү эң узун Асан-Үсөн фонтаны. Ханган дарыясынын агымында жайгашкан эки каттуу бул фонтан күндүзү көлөмү менен элди таң калтырса, түнкүсүн ал аймак фонтандын көркүнө, сулуулугуна суктангандарга толот.

ВАЛЕНСИЯДАГЫ КАЙЫК ФОНТАНЫ

Испаниянын Валенсия аймагында көптөгөн кызыктуу имараттар жана кызыктуу кайык фонтаны жайгашкан. Күндүз аппапак өңдөгү бул фонтан кечкисин алтын түстүү болуп кубулат.

БАЙЛЫК ФОНТАНЫ

Бул фонтан 1998-жылы Гиннесстин рекорддор китебине көлөмүнүн чоңдугу боюнча жана кооздугу менен кирген. Бул фонтан фэн-шуйдун бардык эрежелерин эске алуу менен курулган. Коло менен куралып, ар бир суунун асманга атылып чыгышы жана ал кайра кандай жол менен кайра кирээри, бардыгы жашоодогу байлыктын адам баласына келишин элестетүү менен бул фонтан “байлык” аталышын алган.

Булак: “Фабула”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

62 − 53 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: