Лейлек районунун Лейлек айыл аймагында 2017-жылдын 4-июлунда жааган жамгырдын кесепетинен Коргон жана Ак-Терек айылдарындагы тоолордон сел түшкөн. Бул туурасында ӨКМ билдирет.
Сел 17 турак-жайдын короолоруна жана 2 сарайга кирген. Андан сырткары 1,4 чакырым ички чарбалык арыктар, 1,7 чакырым ички чарбалык жол ар жеринен сел калдыктарына толгон. Адам өмүрүнө зыян келтирилген жок.
4-июль күнү райондук Жарандык коргоо комиссиясы тарабынан тактоо иштери жүргүзүлүп, тазалоо иштери 5-июлда башталды.
КОММЕНТАРИЙ КАЛТЫРУУ