Бүгүн Шымкент шаарында ишкер Тохтар Тулешовдун иши боюнча жаңы соттук териштирүүлөр башталды. Өткөн жылы ноябрда Астана соту аны бийликти басып алууга аракет кылган жана кылмыштуу топ түзгөн деген айыптар менен 21 жылга эркинен ажыраткан.
«Дархан GROUP» компаниясынын мурдагы директору жана «Шымкентпиво» ишканасынын негиздөөчүсү Тохтар Тулешов бул жолкусунда кеңсеси Орусияда жайгашкан «Террордук коркунучтарды анализдөө борборун» жетектеп турганда салык төлөөдөн качкан деп айыпталууда. Андан сырткары ага пара берген деген да айып тагылууда.
Тулешов менен бирге дагы сегиз киши соттолууда. Арасында сыра заводунун мурдагы кызматкерлери да бар.
Иш судья Мырзалы Жорабаевдин төрагалыгы алдында шаардын Енбекшинский райондук сотунда каралууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ