Menu

Түркмөнстан өкмөтүндө бир катар коррупционерлер аныкталды

Бөлүшүү:

Түркмөнстанда Коррупцияга каршы күрөшүү органдары тарабынан ири масштабдагы коррупция фактылары аныкталды. Өлкөнүн расмий ММКларынын маалыматына караганда, мындай көрүнүштөр бир канча жылдан бери уланып келген.

Президент Гурбангулы Бердымухамедов өкмөттүн жыйынында Түркмөнстанда коррупцияга орун жок экенин айтып, Курулуш жана турак жай-коммуналдык чарба министрин кызматтан бошотту.

Өлкөнүн Коррупцияга каршы күрөшүү мекемесинин маалыматына караганда, акыркы текшерүүлөрдүн жүрүшүндө бир канча жылдан бери жемкорлук менен алектенип келген ондогон кызматкерлер аныкталган. Мекеменин билдирүүсүндө мамлекеттик ишканалардын биринин жогорку кызматтагы аткаминерлери чоң суммадагы акча, миң куту тамеки жана тыюу салынган «Трамадол» дарысы менен кармалгандыгы айтылат. Алардын бири тамеки менен тыюу салынган дары-дармектерди сактоодон сырткары кызмат абалын пайдаланып жол куруучулардан пара да алып келген.

Президент тарабынан кызматтан алынган Курулуш жана турак жай-коммуналдык чарба министри дагы жеке ишкерлерден пара алган курсташын калкалап, кызмат абалын кыянат пайдаланган деп айыпталды.

Банк системасынын ишмердүүлүгүн текшерүү маалында да бир катар коррупциялык кылмыштар аныкталды.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 9 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: