Сириянын Мансура шаарындагы жана коңшу райондордогу миңдеген качкындарга азык-түлүктөн турган алгачкы жардам жеткирилди. Өткөн айда Башар Асаддын режими БУУнун Алепподон Камишли шаарына барчу жол аркылуу гуманитардык жардам жеткирүүсүнө уруксат берген.
Провинциянын аталган райондорунда Раккадагы жана анын айланасындагы согуштук аракеттерден качып келген адамдар топтолушкан. Ал жактарда АКШ башында турган коалициянын колдоосу менен көтөрүлүшчүлөр «Ислам мамлекети» тобунун согушкерлерин сүрүп чыгаруу аракетин көрүүдө.
БУУнун маалыматы боюнча, ушул жылдын апрелинен бери Раккада 190 миңден ашык киши үйүн таштап кетүүгө мажбур болсо, 50 миңдейи курчоодогу шаарда калууда.
Провинциядагы жолдордун көбү анын административдик борбору Ракканы ИМ тобу басып алып, өзүнүн Сириядагы халифатынын борбору деп жарыялаган 2014-жылдан бери буулган бойдон калууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ