Ирак полициясы Мосул шаарынын батыш тарабынан “Ислам мамлекетинин” (ИМ) террорчуларына айлык төлөө боюнча отчеттор жазылган бухгалтердик документтерди таап алгандыгы тууралуу “Sputnik Arabik” агенттиги жазды. Андагы маалыматтар боюнча эң төмөнкү айлык 72 доллар же 95 миң ирак динарын түзгөн. Бирок анын 40 доллары тамак-ашына кармалып, колуна 32 гана доллардан тийген. Ал эми уюмдун командирлери болсо 500 доллардан жогору айлык акыдан тышкары, өздөрү басып алган имараттардагы эмеректерди сатуудан түшкөн акчаларды дагы алышкан. Алгачкы жылдары согушкерлер 600-1300 долларга чейин алып турушкан. Кийин мунай заводдоруна ээлик кылган аймактарынан айрылгандан соң, айлыктары кескин кыскарган.
Булак: “Фабула”
КОММЕНТАРИЙ КАЛТЫРУУ