Өзбекстанда Мамлекеттик салык комитети жоюлуп, Каржы министрлигинин бир бөлүгү же Башкы прокуратуранын алдындагы департамент катары иштейт.
Президенттин жарлыгы менен 1-августтан тарта салык комитети – көз карандысыз фискалдык орган катары өз ишин токтотот.
Салык комитетинин өкүлдөрү акыркы эки-үч айдан бери мекеме жоюлары тууралуу кеп тараганын белгилешти. “Күн мурун президент жарлыкка кол койгонун билебиз. Азырынча ал документ тууралуу кененирээк маалымат жок”,-деди салык кызматкерлеринин бири.
Маалыматтарга караганда, салык чогултуу милдеттери Каржы министрлигине жүктөлөт. Салыктардын төлөнүшүн Башкы прокуратуранын алдындагы департамент көзөмөлдөйт.
Эгер мурун салык кызматкери ар кыл текшерүүлөр менен алектенип келсе, мындан ары салык чогултуу милдетин гана аткарышат. Өзбекстан президенти буга чейин текшерүүлөрдүн санын азайтуу керектигин билдирген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ