Президенттикке аттанганы, аттанбаганы, жандаганы, айтор, «саясатчымын» дегендин баары эле күздө жеңишке жетүүнү кыялданышып, анан президент Алмазбек Атамбаевден өч алуу жагынан план түзүп атышкан чактары. Чындыгында кыргыз саясый элитасы кирдеп бүттү, алдыга жылууну, өнүгүүнү ойлогондору аз. Жеке кызыкчылыктары үчүн эптеп кызматка барууга жанталашат. 2010-жылдан бери ар кандай калпыс иштери, коррупциясы жана саткынчылыгы үчүн бийликтен ыдык көргөндөр күздөгү аламан астында биригишип, Сооронбай Жээнбековду чаап түшүүгө, анын артынан А.Шаршеновичти камакка алууга кыялдангандар көбөйдү. Булар – бүгүнкү күндөгү реалдуу турмуштагы саясатчылар. Кеп кезеги менен алардын аттарын атай баштамакчыбыз. Ток этери, Атамбаев да жөн жатпай, өз тылын бекемдебесе абалы чатак. Эң башкысы, аз калган убактысында ал астында туура, адилеттүү саясат жүргүзсө жана таасирдүү фигураларды өзүнө тартса… А болбосо кырдаал тымызын курчуп баратат…
Булак: “Азия Ньюс”
КОММЕНТАРИЙ КАЛТЫРУУ