Тажикстандын Ички иштер министрлигинин атайын күчтөрүнүн мурунку колбашчысы, Сириядагы жоочуларга кошулуп кеткен Гулмурод Халимовдун туугандары Ооганстанга барып, ИМ тобуна кирүүгө ниеттенишкен. Бул тууралуу 20-июлдагы маалымат жыйынында Хатлон облустук ИИБ башчысы Искандар Солехзода билдирди.
Гулмурод Халимовдун туугандарын кармоо боюнча операция Тажикстандын Ооганстан менен чектеш Восе районунда 4-июлдун кечинде болгон. Алар каршылык көрсөтүп, атышууда Гулмурод Халимовдун эки бир тууганы жана эки жээни мерт болгон, үчөө кармалган.
“Алар эмнени көздөшкөнү, баарына белгилүү деп ойлойм. Паянждын аркы жээгине өтүп, ИМ тобуна кошулгулары келген. Алардын баары Халимовдун туугандары жана тарапташтары болгон. Планды бир нече ай алдыга түзүшкөн”,- деди Искандар Солехзода
Бул арада тажик бийлиги Халимовдун туугандары кандай курал менен каршылык көррсөтүшкөнүн ачыктаган жок. Солехзоданын айтымында, Башкы прокуратура бул фактыны иликтөөнү улантууда. Тергөөгө жолтоо болбоо үчүн айрым маалыматтар ачыкка чыгарылган жок.
Операция учурунда жаракат алган ИИМдин уюшкан кылмыштуулукка каршы күрөшүү башкармалыгынын жетекчи орун басары Анвар Хусейновдун абалы туруктуу, жетекчилик тарабынан сыйланганды.
42 жаштагы полковник Гүлмурод Халимов Тажикстан ОМОНнун командири кезинде, 2015-жылдын апрелинде жоголуп кеткен. Кийин Сирияда жүргөнүн билдирген. Тажикстан Халимовго эл аралык издөө жарыялаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ