Бишкек шаарынын жашоочусу бактын түбүнөн Калашников автоматын октору менен таап алып, өз ыктыяры менен милицияга тапшырды. Ушул жылдын 23-июль күнү милиция кызматкерлерине 35 жаштагы борбор шаарыбыздын жашоочусу телефон чалып, бактын түбүнөн Калашников автоматын 5,45 калибрдүү 30 огу менен таап алганын билдирген. Алынган окторго экспертиза жүргүзүлүп жатат. Бул туурасында Бишкек ШИИББнын Басма сөз кызматы маалымдады.
Бишкек ШИИББси эскертет: эгерде жарандар өз ыктыяры менен ок атуучу куралдарды, ок-дарыларды, жарылуучу заттарды тапшыра турган болсо жана кылмышка тиешеси жок болгон учурда кылмыш жоопкерчилигинен бошотулат.
КОММЕНТАРИЙ КАЛТЫРУУ