Кыргызстан профсоюздар федерациясынын жетекчилигине Мирбек Асанакуновдун келиши менен жамаатты тартипке салуу күч алган. Президенттин, элдин ишенимин актоого батыл киришкен Мирбек Асанакунов аталган федерацияны «акыр-чикирден арылтып, тармакка таза кан жүгүртүп, жаштарды ишке тартайын» деген тилегине федерациядагы бир ууч топ тымызын каршы чыккандары ачыкталабы? Эмесе, биз андагы кептерди элеп алуу менен төмөнкү каармандарыбызга суроо салып көрөлү. Буга чейин федерацияны жетектеп келген түбү кочкорлук Асылбек Токтогулов өзүнүн мурунку аткошчулары менен Мирбек Асанакуновду каралоону уюштуруп жаткандыгы чынбы? Дал ушул Асылбек Токтогулов кезинде профсоюздар федерациясынан шектүү жагдайда кызматынан куулуп кеткендиги жалган беле? Баарынан кызыгы, бир кездери кол алдында иштеп кетишкен кызматкерлерин алдыга салып коюп, Асанакуновго каршы көмүскөдөн «каралоо кампаниясын» жүргүзүп жаткандыгын мойнуна алабы? Же сөзсүз эле ага алданып калган кызматкерлер бетин сыйрымайын былгытканын уланта береби? Эмесе, биз суроо бердик. Калган кептерге, албетте, эрки жетсе жооп берсе болот.
Булак: “Азия Ньюс”
КОММЕНТАРИЙ КАЛТЫРУУ