Сариевдин баскан-турганын, жатканынан дагы пиар жасап, убара тартып жатканын жазып келе жатабыз. Мына өткөндө кыргыз тилинен экзамен тапшырмакчы болуп барып, машинасын туура эмес жерге токтоткон жайы бар. Тактап айтканда жөө жүргүнчүлөр өтө турган, тыюу салынган жерге унаасын токтотуп, каадалана басып имаратка кирип кеткен. Эми ошол жол эрежесин бузган эрдиги үчүн 1000 сом айып төлөгөнүн жумалап пиар кылды. Өзүн мыйзамды сыйлаган жаран катары көргөзүп. Кызыгы, президенттикке аттанып жаткан адам мыйзамды бузуп айып төлөгөнүн эрдик катары көргөнү анын деңгээлинен кабар берип жатканын туйган жок көрүнөт.
Булак: “Фабула”
КОММЕНТАРИЙ КАЛТЫРУУ