Борбордук шайлоо жана референдум өткөрүү боюнча комиссия 2,5 миң лупа сатып алат. Бул тууралуу мамлекеттик сатып алуу порталында маалымдалат.
Ага 875 миң сом жумшалат. Лупа тегиз, тик бурчтуу, кара алкакта, үч эсе чоңойтуп көрсөтө ала турган болушу керек. Айнеги бекем пластиктен жасалышы шарт.
Тендерге катышуу үчүн 8 компания арыз беришти. Айрымдары эки эсеге арзан баага сатууга даяр. Жеңүүчүсү дагы эле тактала элек. Бирок мынча лупаны Боршайкомдун башчысы Шайылдабекова эмне кылат деп коомчулуктун башы катууда. Сыягы, ар бир бюллетенди лупа менен карап чыгуу тапшырмасы коюлган өңдөнөт.
Булак: “Фабула”
КОММЕНТАРИЙ КАЛТЫРУУ