Канга сиӊгенби, же каӊгы баштар көбөйгөнбү, айтор белгисиз. Ар заман өз Арзыматтарынын убайын көрүп келет.
Мисалы, Бакыт Бакетаев деген аксакал эле киши кезинде абдан олуттуу ойлорду айтчу эле. Эми таптакыр тескери ушата, бийликтин айныгыс Арзыматынын тонун кийип чыкты. “Сооронбай Жээнбековдун кызматын тапшырып жатышы эң оболу демократиянын белгиси катары туура кадам, арылатканда жигитчилик деп айтаар элем. Ал киши бийлигин өткөрүп берип, башка талапкерлер менен тең укукта, бирдей шартта шайлоого катышалы дегени колдоого ала турган кадам. Менимче, Сооронбай Шарипович убактылуу эмгек өргүүсүнө эле чыгып, шайлоого катыша бериш керек болчу. А бирок, буга карабай, түпкүлүгүндө ал премьер-министр катары отставкага арыз жазып, башкаларга үлгү болуу менен туура кылып жатат”,- деп оозун чойду. Ой тобоо, Соке деген теӊ укуктуулук, бирдей шарт эмес, эмитеден эле “баары бир бийликти мен алам”- деген куру дымак менен кызматын “уверенно” тапшырып салганын ушу киши кантип түшүнбөй калды?
Булак: «Майдан. kg»
КОММЕНТАРИЙ КАЛТЫРУУ