Түштүк Кореянын соту Samsung компаниясынын вице-президенти Ли Чжэ Ёнду беш жылга эркинен ажыратты. Ал бизнесин калкалагандыгы үчүн өлкөнүн мурдагы президентине пара берүүгө күнөөлүү деп табылды.
Самсунгдун башчысы күнөөсүн мойнуна алган жок. Ал президенттин курбусуна өз каалоосу менен кайрымдуулук кылганын билдирди.
Түштүк Кореянын мурдагы башчысы Пак Кын Хе импичмент аркылуу бийликтен марттын ортосунда четтетилген. Ал коррупция, ыйгарым укуктарын ашыкча пайдалануу жана мамлекеттик сырды ачыктоо айыптары менен камакка алынган. Айыптоолордун көбү президенттин жакын курбусуна байланыштуу. Июнда сот курбусун мамлекет башчысынан жеңилдиктерди алгандыгы үчүн үч жылга эркинен ажыраткан.
Тергөөнүн версиясы боюнча президенттин курбусу өлкөдөгү ири корпорацияларды, анын ичинде Самсунгду өз көзөмөлүндөгү фонддорго миллиондогон долларларды кайрымдуулук иретинде берип турууга мажбурлаган. Тергөөчүлөр Пак Кын Хе курбусунун коррупциялык схемалары тууралуу билген деп эсептешүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ