Азербайжандын чыгышында Баку-Губа трассасынан бир нече чакырым аралыкта жайгашкан курал-жарак сактоочу кампа жарылды. Өлкөнүн коргоо министрлиги кабарлагандай, жарылуудан кийин өрт башталган.
Жергиликтүү басылмалар снаряддар үйлөргө чейин чачыраганын жазышты.
Азербайжандын Саламаттыкты сактоо министрлиги билдиргендей, алты адам жеңил жаракат алды, алар диагностикалык борборго жеткирилди. Кампага жакын жайгашкан үйлөрдүн жашоочулары эвакуацияланууда.
Бакудан Орусиянын чек арасына кеткен трасса жабылды. Жарылуунун себеби азырынча белгисиз. Кырсыкты иликтөө үчүн атайын комиссия түзүлдү.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ