Тажикстандын Рошткалъф — Хорог унаа жолундагы кырсыктан кичи автобустун он жүргүнчүсү каза болду. Бул тууралуу Тоолуу-Бадахшан автономдуу облусунун өзгөчө кырдаалдар жана жарандык коргонуу штабынан билдиришти. Кырсык 28-август эртең менен трассанын 20-чакырымында болгон.
Штабдан билдиришкендей, кичи автобуста 13 киши, анын ичинде 4 кичинекей бала болгон.
Болжолдуу версияга ылайык, айдоочу рулду башкара албай, кичи автобус Шохдара дарыясына кулап түшкөн. Жыйынтыгында он жүргүнчү каза болуп, кичи автобустун айдоочусу менен дагы эки киши Хорог ооруканасына жеткирилген.
Жол кырсыгынан кичи автобустагы төрт кичинекей баланын бардыгынын тең каза болгону кабарланууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ