Бишкекте балдар ойногон аянтчадан аялдын жансыз денеси табылды. Бул туурасында борбордук ИИББнин басма сөз кызматы билдирет.
Ага ылайык, Свердлов райондук ИИБне маалымат бүгүн, 30-августта саат 6.30 да келип түшкөн. Аялдын сөөгүн Бөкөнбаев жана Үсөнбаев көчөлөрүнүн кесилишинен табышкан.
Ыкчам-иликтөө тобу окуя болгон жерде ишти изилдөөдө. Учурда каза болгон аялдын аты-жөнү такталууда. Анын жашы болжол менен 25-30дарда.
Сөөк соттук медициналык экспертизага жөнөтүлүп, өлүмдүн себептери аныкталат. Биринчи кароодо денесинде зордук-зомбулук белгилери байкалган эмес.
КОММЕНТАРИЙ КАЛТЫРУУ