2017-жылдын 4-сентябрында Бишкек шаарынын Биринчи Май районунда болжол менен саат 06:00 чамасында “Азиз” базарында өрт чыгып, 600 чарчы метр административдик имараты жана кампа күйүп кетти. Бул туурасында ӨКМдин басма сөз кызматы маалымдайт.
Саат 07:42де өрт чектөөгө алынып, саат 09:52де толугу менен өчүрүүлгөн. Өрттү өчүрүүгө КР ӨКМнин №8-аскерлештирилген өрт-куткаруу бөлүмүнөн 1 бөлүм, КР ӨКМнин №4-аскерлештирилген өрт-куткаруу бөлүмүнөн 1 бөлүм, КР ӨКМнин №3-аскерлештирилген өрт-куткаруу бөлүмүнөн 1 бөлүм жана штаб тартылган.
Учурда өрттүн себеби такталууда.
КОММЕНТАРИЙ КАЛТЫРУУ