Ленин РИИБнин кызматкерлерине Бишкек шаарынын жашоочусу арыз менен кайрылып, 2017-жылдын август айында көп кабаттуу үйдүн подьездинен арыздануучунун баасы 7000 миң сомдук велосипедин уурдап кеткен белгисиз жарандарга карата чараларды көрүп берүүсүн суранган. Бул туурасында Бишкек ШИИББнин Басма сөз кызматы билдирет.
Милиция кызматкерлери тарабынан жүргүзүлгөн рейддин жүрүшүндө аталган кылмыш ишине шектүү катары Чүй облусунун 22 жаштагы А.Р. аттуу жашоочусу кармалган.
Жогорудагы факты боюнча Кыргыз Республикасынын кылмыш-жаза кодексинин 164-беренесинин (уурулук) негизинде кылмыш иши козголуп, кармалган адам Бишкек шаарынын №1 тергөө абагына жеткирилген.
Тергөө учурунда кармалган жаран ушуга окшош башка кылмыш иштерине тиешеси бардыгы аныкталган. Учурда иликтөө иштери жүрүп жатат.
КОММЕНТАРИЙ КАЛТЫРУУ