Иштеген кишинин жакшы жагын белгилеп, айта жүргөнүбүз эп. Кемчилигин да учурунда көзгө сая көрсөтүп, оңдоп кеткенге жардамдашсак, алдыга карай жылаарыбыз талашсыз чындык. Бишкек шаарынын мэри Албек Ибраимов боюнча айтсак, калаа тургундарынан алкыш айткандар арбын. Себеби, мурунку шаар башчысына салыштырмалуу жакшы иштеп, тазалык ишин жолго салды. Таштандылар убагында алынып, көчөлөр тазарып калды. Мындан сырткары мамлекеттик деңгээлдеги майрамдарда Ала-Тоо аянтын түрдүү кооздуктарга чулгап, шаар тургундарына жагымдуу маанай тартуулап жаткан чагы. Албектин алгы иштерин белгилеп, алкыш айтып кетелик, алдыдагы иштерине дем-күч болсун. Албетте, кээ бирөө мактаганды көтөрө албай жардан алыс секирет, биз сизден андайды күтпөйбүз.
Булак: “Де-Факто”
КОММЕНТАРИЙ КАЛТЫРУУ