2017-жылдын 10-сентябрь күнү мурда сот жообуна тартылган 51 жаштагы А.И. аттуу Токтогул районунун жашоочусунун үйүн текшерүү учурунда беш даана капка салынган жалпы салмагы 82 киллограммды түзгөн кара-куурай баңгизаты табылган. Бул туурасында ИИМдин басма сөз кызматы билдирет.
Ал эми Майлуу-Суу шаардык милиция кызматкерлеринин жүргүзгөн ыкчам иш-аракеттеринин натыйжасында Майлуу-Суу шаарынан мурда сот жоопкерчилигине тартылган 49 жаштагы Т.С. аттуу жергиликтүү тургуну шектүү катары токтотуган. Текшерүү учурунда анын жанынан кара баштыкка оролгон 600 грамм кара-куурай баңгизаты табылган. Аталган фактылар боюнча ички иштер бөлүмдөрү тарабынан Кыргыз Республикасынын кылмыш- жаза кодексинин 246-беренеси (Башкага берүү максатын көздөбөстөн бањгилик каражаттарды же психотроптук заттарды мыйзамсыз даярдоо, алуу, сактоо, ташуу же жөнөтүү) менен кылмыш иштери козголгон. Тийиштүү экспертизалар дайындалып, тергөө амалдары жүрүүдө.
КОММЕНТАРИЙ КАЛТЫРУУ