Президенттикке аттанган Темир Сариев үч айрылыш жолго кептелген жомоктогу жолоочунун кейпин кийип, айласы кетип турган чагы. Бабановго кошулайын деп турду эле, ал Төрөбаевди премьер кылмак болуп нике шакегин ала чуркап, Мадумаров айткандай көңүлүн суутуп койду. Бабановго ишенүү кыйын экенине ынанып, жанына жологондон чындап кооптонуп калды. Өз алдынча аттана берейин десе капчыгы жука болуп, каражат жагынан каржалып, аргасы куруп турат. Натыйжада үчүнчү жолду тандап, башкача айтканда Жээнбековдун этегин кармай турган болууда. Азыркы тапта Америкада БУУнун жыйынына катышып жүргөн Алмазбек Атамабевдин келишин күтүп, өзүнө ыңгайлуу кызматты соодалашып алып калууну эңсеп, баштагыдай жээликпей, көк буусу чыгып отурган чагы.
Булак: “Фабула”
КОММЕНТАРИЙ КАЛТЫРУУ