Тажикстанда милиция кызматкерлери Зерафшан дарыясына чөгүп кеткен чек арачылардын “Нива” автоунаасындагы Калашников автоматтарын издөөдө. Өткөн аптада автоунаада бараткан чек арачылар кырсыкка учураган.
Хайробод районунун прокурору Азизмурод Сабыров авария “Нива” автоунаасынын техникалык мүчүлүштүктөрүнөн улам болгонун билдирди.
“Мадруштак айлындагы аскер бөлүгүнүн чек арачылары Хайробод айлын көздөй баратышкан. Ашуудан “Нива” унаасынын мотору күтүүсүз өчүп калып, артка кеткен. Айдоочу жана төрт чек арачы машинадан секирүүгө үлгүргөн. Жүргүнчүлөрдүн бири чыга албай калып, чөгүп кеткен”, -деп билдирди район прокурору.
Өзгөчө кырдаалдар боюнча аймактык штабдын кызматкерлери “Ниваны” дарыядан алып чыгышкан, бирок жүргүнчүнүн сөөгү менен жети автомат табылган жок. Издөө иштери уланууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ