Ленин райондук милицияга борбор кааланын тургуну арыз менен кайрылып, 2017-жылдын июль айында “Адилет” аттуу жаран арыздануучунун ишенимине алдоо жолу менен кирип, жалпы суммасы 292 400 сом акчасын алып, ордуна «Тойота-Камри» үлгүсүндөгү автоунаасын беремин деп кеткен бойдон ушул күнгө чейин берген эмес. Бул туурасында Бишкек ШИИББнин Басма сөз кызматы билдирет.
Ленин райондук ички иштер башкармалыгынын кызматкерлери тарабынан көрүлгөн ыкчам-иликтөө иш-чараларынын негизинде жогорудагы кылмыш ишине шектүү катары 29 жаштагы Б.А. аттуу борбор калаабыздын жашоочусу кармалган.
Жогорудагы факты боюнча Кыргыз Республикасынын кылмыш-жаза кодексинин 166-беренеси (Алдамчылык) менен кылмыш иши козголгон.
Кармалган жаран Бишкек шаарынын №1 тергөө абагына киргизилген. Тергөө учурунда мындан башка дагы кылмыш ишине тиешеси бардыгы аныкталып, иликтөө иштери жүрүп жатат.
КОММЕНТАРИЙ КАЛТЫРУУ