Өкмөткө жаңы башчы болуп келгенде элдер “эми өкмөттүн иши оңолот”,- деген ишенимди артынышкан. Бирок, али келгенине 100 күн толбой жатып Сапар Исаков ал ишенимди тумчуктуруп салды.
Анткени, адеп “Лигласс” чуусу менен биринчи бетине көө сүйкөсө, казак-кыргыз чек арасы боюнча экинчи бетине көө сүйкөдү. Бул бала алыска бара албачудай. Өлкө ичинде өзгө иш жоктон бетер “айылчылап”, ар-кайсы аймактан бирди-эки кишинин көңүлүн алганы болбосо олуттуу кадамдарга бара албай атат. Өлкөдө кышка камылга, отун-суу даярдыгы, электр энергиясынын үзгүлтүксүз берилүүсү деген бери жактагы эле көйгөйлөр турса премьер-министри Сапар Исаков аймактарды аралап, айрым бир мекемелерге компьютердик жабдуулар менен 100 миң сомдук сертификаттарды тапшырып, өзүн да элди да алдоо менен алектенгендигин кантип түшүнөбүз? Же жаңы Өкмөт башчынын деңгээли ушул элеби?
Булак: “Майдан.kg”
КОММЕНТАРИЙ КАЛТЫРУУ