Жогорку Кеӊештин Бюджет жана финансы боюнча комитети “Евразия экономикалык комиссиясы менен өнөр жай товарларына карата өзгөчө субсидияларды ыктыярдуу макулдашуу жана Евразия экономикалык комиссиясы тарабынан ЕАЭБге мүчө мамлекеттер тарабынан өзгөчө субсидияларды ЕАЭБге мүчө мамлекеттердин берүүсү менен байланышкан териштирүүлөрдү жүргүзүү тартиби жөнүндө макулдашуунун концепциясын жактырды. БУл туурасында Жогорку Кеӊештин Басма сөз кызматы билдирет.
Өнөр жай, энергетика жана жер казынасын пайдалануу мамлекеттик комитеттин төрагасынын орун басары Кубан Мырзакановдун айтымында, бул макулдашуу экономиканын өнөр жай тармагына мамлекеттик колдоо көрсөтүүнүн ачык-айкындыгы менен алдын ала белгилүүлүктү жогорулатууну камсыздоо максатында иштелип чыккан. Анда төмөнкүлөр камтылды:
– Евразиялык экономикалык комиссия менен (мындан ары – Комиссия) өзгөчө субсидияларды ыктыярдуу макулдашуу тартиби жана Комиссия тарабынан тиешелүү чечимдерди кабыл алуу;
– Комиссия тарабынан териштирүүлөрдү жүргүзүү тартиби (анын ичинде өзгөчө субсидияларды берүү, пайдалануу шарттарынын, тартибинин бузулушу боюнча да);
– Комиссия тарабынан өзгөчө субсидиялардын мүмкүн же мүмкүн эместиги боюнча чечим чыгарууга негиз боло турган критерийлер (ЕАЭБге мүчө мамлекеттердин).
Белгилей кетчү нерсе, өзгөчө субсидияларды макулдашуу ыктыярдуу негизде жүргүзүлөт. Мүчө мамлекеттер мөөнөтү, көлөмү, берилүү шарты Комиссия тарабынан макулдашылган субсидияларга компенсациялык чараларды колдонушпайт. Эгер өзгөчө субсидиянын берилиши менен, башка мүчө мамлекеттин улуттук экономикасына материалдык зыян келтирилсе, анда Комиссия мындай субсидияларга макулдук бербейт.
КОММЕНТАРИЙ КАЛТЫРУУ