Астанада өткөн ШКУ саммитинде Индиянын премьер-министри Нарендра Моди менен Өзбекстандын президенти Шавкат Мирзиёев жолугуп, Индияга өзбек уранын жеткирүү маселесин талкуулашты. Бул тууралуу Индиянын The Economic Times гезити жазды.
«Уран экспорттоо боюнча дүйнөдө жетинчи орунда турган Өзбекстан уран резервин түзүү жаатында Индиянын башкы оюнчусуна айланат. Нью-Дели өз реакторлоруна урандын 5 жылдык запасын топтоп алуунун үстүндө иштеп жатат», – деп айтылат басылманын макаласында.
Индия-өзбек мамилелеринин өнүгүшү менен жакындан тааныш булактын айтымында, бул жолугушууда өзбек президенти байланышты жаңы деңгээлге алып чыгууну чечти. «Астанадагы сүйлөшүүлөр эки тараптуу мамиленин бурулуш учуру болду десем болот. Анда Өзбекстан Индиядан көбүрөөк инвестиция тартууну каалай тургандыгын көрсөткөн кызматташтыктын жаңы барагы ачылды», – деди ал.
Өзбекстандын делегациясы бул маселени кеңири талкуулоо жана уран жеткирүү шарттарын сүйлөшүү үчүн Индияга августта барып келген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ