Сапар Исаков бүгүн, 28-октябрда, Улуу Британия Бириккен королдугунун жана Түндүк Ирландиянын Кыргыз Республикасындагы ыйгарым укуктуу элчиси Робин Орд-Смит менен жолукту. Бул туурасында өкмөттүн расмий сайты жарыялады.
Жолугушууда кыргыз-британ эки тараптуу кызматташтыгынын актуалдуу маселелери талкууланды.
Өкмөт башчы элчинин өз ишмердүүлүгү учурунда эки мамлекеттин мамилесин бекемдөөгө зор салым кошкондугун белгиледи.
Ошондой эле, тараптар «Таза коом» улуттук долбоорун ишке ашыруу чараларын жана санариптик экономикага өтүүдөгү эл аралык тажрыйбаларды талкуулашты.
Өз кезегинде элчи Робин Орд-Смит «Таза коом» долбоору мамлекеттик органдардын ишин жакшыртууга жана ата мекендик экономиканы өнүктүрүүгө күчтүү импульс берерин билдирди.
Жолугушуу учурунда тарапта санариптик заманбап экономикага өтүү боюнча дүйнөдөгү мамлекеттердин тажрыйбалары тууралуу да баарлашты.
КОММЕНТАРИЙ КАЛТЫРУУ