Бүгүн, 29-октябрда Талас шаарындагы облустук администрациянын алдында өткөн таластыктардын Алмаз Атамбаевге каршы нааразычылык митинги Алмаз Атамбаевдин таластыктардын астында кечирим суроосу үчүн дагы 3 күн убакыт берди. Эгер 2-ноябрга чейин Алмаз Атамбаев таластыктарды “Абыке менен Көбөштүн тукумдары” деген сыяктуу осол сөздөрү үчүн кечирим сурабаса “өз убалы өзүнө” деп, 3-ноябрга саат 12.00.гө ошол эле обладминистрациянын алдына нааразычылык митингин өткөрө тургандыгын белгилешти.
Митингдин катышуучулары: “Алмаз Атамбаев кетериңде элди бөлүп-жарбай, тынч кет!” “Бизди орус менен казактан бөлбө!” деген сыяктуу чакырыктар менен кыйкырып турушту.
Митингге 1 миңдей киши катышып, бийликке 3 талап койгон резолюцияны кабыл алышкандан кийин 3-ноябрга чейин деп тынч тарап кетишти.
КОММЕНТАРИЙ КАЛТЫРУУ