8-ноябрь – Кыргызстанда сталиндик репрессия курмандыктарын эскерүү күнү. Буга байланыштуу жарандык активисттер Ата-Бейитке барып зыярат кылып, сталиндик репрессия маалында саясый көз карашы үчүн куугунтукталып, жазыксыз атылган атуулдар эскерилип, арбактарына куран окутулду. Ошол эле учурда азыр саясый негиз менен камакта отургандар да эске алынды. Жарандык активист Адил Турдукулов «1937-38-жылдардагы репрессия менен азыркы саясый камоолордун окшош жагы бар. Ошол мезгилде да кыргыздын тыңчыкмалары совет бийлигинин куугунтугуна алынып, жалган жалаа менен камалып, өлтүрүлгөн. Азыр өлтүрүүлөр болбосо да, саясатчыларыбыз жалган жалаа менен камакта отурушат» деди.
Булак: “Азия Ньюс”
КОММЕНТАРИЙ КАЛТЫРУУ