Көкүрөктөгү кайнап турган көйгөйдү айта албай буулгандан өткөн азап барбы саясатчы үчүн. Азыр мен кыйын саясатчымын дегендер ушул арманда жүрүшөт. Тили кычышканы менен айтканга духу жетпейт. Айтып коюп жаман көрүнүп, бирөөнүн кыжырына тийип алсам көргүлүктү көргүчө, тынч эле бир жерди кысып тынч олтурайын деген позицияда. Жалгыз гана Адахан Мадумаров көрүп турган көйгөйдү ачык айтып жатат. Оппозициянын туусун ушул гана адам көтөрө алчудай болуп турат. Калганы эбак “текеден чыккандар”. Жаңы бийлик болуп калса бир нерсе илип кетебизби деп көзүн кызарткандар. Адахан мырза бул жактагы көйгөйлөрдөн сырткары чет жакта жүргөн мекендештердин да көйгөйлөрү менен таанышып жүрөт. Жакында Москвага бара турганы маалым болууда. Эгер жаза басып эле жакында шайлоо болуп кете турган болсо, элге жакын оппозициянын лидери катары Адахан алдыңкы орунга сөзсүз чыгышы мүмкүн.
Булак: “Жаңы ордо”
КОММЕНТАРИЙ КАЛТЫРУУ