Кызыл-Кыя шаардык мэриясынын жыйындар залында дин кызматкерлери менен жергиликтүү бийлик ортосунда тыгыз кызматташуу боюнча кеңешме болуп өтүп, ага жергиликтүү бийлик өкүлдөрү, дин кызматкерлери катышты. Бул туурасында КМДБнын басма сөз кызматы билдирет.
Жыйын алкагында Кыргыз Республикасынын Коргоо Кеңешинин “Диний чөйрөдөгү мамлекеттик саясаты” жөнүндө чечимин ишке ашыруу, суний багыттындагы Имам Аль Матуридий акыйдасы боюнча Ханафий мазхабын бекемдөө, калк менен жүргүзүлгөн иштер, жергиликтүү бийлик өкүлдөрү, укук коргоо органдары менен биргелешип аракеттешүү маселелери каралды. Ал эми Кызыл-Кыя шаарынын баш имам хатиби Мукадас ажы Кожониязовдун айтымында мындай жыйындын өтүшү менен мындан ары элибиздин тынчтыгын, ынтымагын бекемдөөдө жергиликтүү бийлик өкүлдөрү жана дин кызматкерлери биргеликте иш алып барат.
КОММЕНТАРИЙ КАЛТЫРУУ