Тажикстандын оппозициядагы Социал-демократиялык партиясынын лидери саясий ишмердигинен улам кол салууга кабылганын билдирди. Рахматилло Зоиров окуя 9-ноябрда кечке жуук Душанбеде болгонун “Азаттыктын” тажик кызматына 14-ноябрда кабарлады.
Маалыматка ылайык, ал күнү бир аял менен бир эркек киши итин сейилдетип жүргөн Зоировдун жанына келип, ага “чыккынчы” деп кыйкыра баштаган. Андан көп өтпөй эркек киши оппозициячыл активистти туюк металл менен урган. Зоиров өз колу менен башын коргогонго үлгүргөн.
Ал бул окуя тууралуу милиция кызматкерлерине телефон аркылуу кабар бергенин, бирок аларга эч кандай чара көрүлбөгөнүн кошумчалады. Милиция өкүлдөрү жазуу түрүндө кайрылуу түшпөгөнүн “Азаттыктын” тажик кызматына билдиришти.
Кесиби боюнча адвокат Зоиров Казакстанда иштеп, маал-маалы менен Тажикстанга барып турат. Ага буга чейин дагы бир нече жолу кол салуу болгон.
Рахматилло Зоиров Социал-демократиялык партиясынын 1998-жылдан бери жетектейт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ