Прокуратура тармагында күпүлдөгөн жүрүшү бар, ишбилги кадр Жаныбек Салиевди билесиңер да. Нарын облусунун прокурорлугун өткөрүп бергенден бери каарманыбыз бош, бутту кенен сунуп, өткөн-кеткен күндөрүнө сереп салып жаткан чагы. Кызматта болсо да, болбосо да кичи мекени Балыкчыга үзбөй каттап, эл-журтка жардам берүүнү адат кылып алгандыгын жердештери да сыймыктануу менен айтып калышат. Коррупционерлерге тиш салып, мыйзамдуулукту көзөмөлдөө боюнча тыкыр иш алып барган мындай кадрлар ар убак бааланат эмеспи. Алдыңкы күндөрү Жакеңе карата кызмат берүү жагы каралып жатканы каңкууланды. Эми күчтүү кадрды күчү барында иштетип эле алгандан өтөрү барбы? Ишбилги кадрдын иштеп турганын өзү олжо эмеспи.
Булак: “Азия Ньюс”
КОММЕНТАРИЙ КАЛТЫРУУ