Соңку мезгилде Кыргызстандын темир жолдорунда катталган кырсыктардын саны кескин өсүп кетти. «Кыргызтемиржолу» мамлекеттик ишканасынын маалыматы боюнча, быйылкы жылдын 9 айында эле 86 кырсык катталып, андан 11 адам жаракат алып, 3 адам каза тапкан. «Буга көбүнчө адамдардын өздөрүнүн камырабастыгы себеп болууда» дешет адистер. 8 факты автоунааларга байланыштуу болсо, көпчүлүк кырсык мал жандыктарды темир жолго айдап чыкканынан улам келип чыккан. Жакында эле бир адам кулакчын (наушник) тагып сүйлөшүп баратып, поезддин эскертүүчү сигналын укпай, поезд алдында калып каза болду. Андыктан адистер темир жолго жакын аймактарда сак болууга чакырышат.
Булак: “Азия Ньюс”
КОММЕНТАРИЙ КАЛТЫРУУ